Galicia es una mierda

Pois aquí o está. E aparece unha entrevista en Vieiros con máis xustificacións.

Ataque Escampe pretende acoller en 47 minutos de musica dispersa e aridez sonora todas as contradicións existentes na Galiza, no mundo e na historia da música. De Manuel Antonio aos Tonechos, de John Wayne a Lenin, e de Neil Young aos Panchos. Aresolución, no mellor dos casos, estará nas orellas d@s que escoiten.Ou non estará…ou será Spam.

SPAM

En Siberia estamos moitos xa por sempre derrotados. Só podemos cantar o branco desta hora, porque ao final de nada serven quilómetros e alcoholímetros, os segundos e os metrónomos, tantos decibelios como pouca a xente, toda esa caterva de desastres técnicos (táboa tras táboa, micro tras micro, resaca tras resaca), e só podemos cantar o branco desta hora na que semella que xa non estrelampará nunca. Porque seguimos no mesmo porto do que partimos, na liña de saída que algún día soñamos que nos había levar ao Tourmalet ou a calquera outro Medulio, mais que cedo descubriremos como o peor dos espellismos, de haberen espellismos nesta salvaxe tundra do cotián.
Hoxe só nos queda Vista Alegre, onde nace e morre toda Compostela. Hoxe só nos queda a seguridade de descoñecer se é ou non a Ruta 66 o mellor camiño para chegar ao Conxo das nosas traxedias sinfónicas. Hoxe só nos fica a cita literaria como un exercicio de decadentismo pretendidamente posmoderno, mentres un aquel de folerpas afganas insisten en nos aseverar que xa non, que desistamos, que non escampará; non mentres as cordas rotas continúen a se mofar da dor que nos provoca a insuficiencia do real, o metal das compañeiras, un dragón asiático, os cubiños de xeo, transparentes coma bumeráns.
Hoxe, como entón, só as pendentes dos pentagramas que non sabemos escribir. A rabia dos concertos nos que non fomos capaces. Os versos que non encabalgamos. Os grafitis que non soubemos ilegalizar: Galicia is diferent. Galicia Calidade. Galiza GAL & CÍA. Galicia is a shit. E, claro, como non podía ser doutro xeito, quédanos tamén (algo é algo) este odioso sentido do humor no que nos refuxiamos da sarabia, e que nos fai dicir, con prosodia de himno e un ridículo sorriso entre os audífonos: Galicia is a shit, but Galicia is not spam.

1- Akira Toriyama

2- A granxa de Alexandre

3- Nadina

4- A banda desdenhada (Entre O Leo e o mamoneo)

5- Serafín

6- I´m not your man

7- Canción para pechar o Ruta

8- Quero ser o malo da película

9- Vista Alegre

10- Arredor da cuestión nacional

11- Galicia es una mierda

12- O longo adeus

13- 3 cantos a Lenin

Ataque Escampe (neste disco) son:
Roi Vidal: percusións, kazoo, labios, lixas, harmónica, coros, recitados.
Marco Gelpi: acordeón, cuncas tibetás, trompeta, xilófono, trombón de serie B, coros.
Samuel Solleiro: violín, guitarras, teclas, coros, asubíos.
Miguel Mosqueira: guitarra acústica, baixo, teclas, tubulares, xilófono, coros, voz en Canción para pechar o Ruta.
Alex Charlón: voz.

Participaron:

Xoel Méndez: banjo, cuatro.
Paku Granja: coros.
Juan José Carbonell: congas.
Iván Pantín: tuba.
Xoán Lois García: piano, caixa.
Borxa Ínsua: serrucho.

Andrea Zayas (Sacha na Horta) canta en Serafín.
Brais Gutiérrez (Sacha na Horta) toca o acordeón en Serafín.
Xoán Xosé Cruz (Qronopios) toca o clarinete en Arredor da cuestión nacional e A granxa de Alexandre.

Rematado de gravar o 17 de xaneiro de 2008 no estudio Pousada Son (Ames).
Son e mesturas: Yago Pico.
Produción: Ataque Escampe.

Remasterización: Noel Feáns.
Todos os temas compostos por Ataque Escampe.

Ilustración e deseño: Adrián Solleiro
Fotografía: Alba Viñas

Ataque Escampe agradece e saúda: a todas as colaboradoras e colaboradores deste disco; a Noel Feáns; a Benxamín Otero e Iago Mouriño; aO Leo i Arremecághona!!! e Novedades Carminha; a Guezos, Días Descalzos, Susana Pombo, Diskordia e Som do Galpom; a Sacha na Horta, Qronopios e García de Dios Ke Te Crew; á organización e ao público do Utopía Son; aos C. S. Madia Leva (Lugo), A Fouce de Ouro (Bertamiráns), A Casa Encantada (Compostela) e Aturuxo (Boiro); ao Mariñeiro e Lourdes (a señora) de Vista Alegre; a toda a tropa do Cineclube de Compostela; á Semana da Educaçom Critica; a Xoán de Vilaxoán (Caramuxo); a Estevo, Ângelo Pineda, Eva Ferreira, Vítor de Sada, Mario Regueira, Cris Cubeiro, Paula Alexandre, Isaac Lourido, Olalla Barros, Carlos Figueiras, Marcos Abalde, Alba Viñas, Xoán de Xoán e Aarón, Aarón de Xoán e Aarón, Cris Martínez, Iria Veiga, Lorena Souto, David Pobra, Luís González, Nadina Bértolo, Xiana Solla, Francesc Esteve (aínda que agora xa é do grupo), Alba Passionária, Sóñora, Zero Vacas e máis.

Están presentes (e non o saben): David Lean, Pablo Barreiro, John Ford, Alain Badiou, Raymond Chandler, Manuel Lourenzo, Leonard Cohen, Otis Redding, Dean Martin, Alfonso González del Campo, Orson Welles, Méndez Ferrín, Alexander Alexandrov, Clint Eastwood, Dziga Vertov e Santiago Pemán. A PROPIEDADE INTELECTUAL É UN ROUBO.