ROCK DE SERIE B

Este sitio está baleiro

2012-01-24T19:32:00.000+01:00

É unha pena.

O lugar no que tantos e tantos discos compramos a finais dos 90 e principios dos 2000 (ultimamente só os mirabamos), e no que chegamos a compartir escaparate con Wilco e Shakira entroutras, contactounos para que fósemos recoller as nosas últimas existencias e escasas ganancias. Hoxe fomos para velo aberto e recordalo así. Obrigadas por todos estes anos.

(Nós seguimos, pese ás fendas. A semana próxima saberedes do último tema que gravamos).

Ordes (de subir os impostos)

2012-01-10T17:56:00.002+01:00

Ataque Escampe e Terbutalina son servizos sociais.

4 euriños de entrada para destinalos á música (que non aos músicos) do país. Aplicábeis fundamentalmente ás rendas baixas.

Este venres no Badulake de Ordes a partir das 23 h.

Violentos anos dez, no podio dos discos galegos de 2011 para Mondo Sonoro

2012-01-03T18:12:00.002+01:00

Páxina 7.

Open publication - Free publishing - More call me john

A bici da audaz e a emoción de PJ Harvey

2011-12-28T20:07:00.001+01:00

OIAN: ESTAMOS INCOMUNICADOS POR MAIL; SE TEÑEN ALGÚN RECADO OU ASÍ UTILICEN OS MÓBILES DO CONTACTO ATÉ NOVO AVISO.

A bici da foto é a tal da Ana de "Misión de audaces", encarnada no videoclip que estamos a gravar na Coruña pola actriz Tamara Barja. Hoxe e mais mañá andamos niso canda Lucas Nadal e equipa. Atopámonos xenial coas unllas pintadas...

Cremos comprender a emoción que supón para PJ Harvey verse na selección que fixo Xavier Valiño dos mellores discos do ano e compartindo páxina con Ataque Escampe. Ocorreu hai pouco en SantiagoSiete. Tedes o número na parte inferior do post (páx.6).

Como este tipo de cousas e mailo videoclip están a subir de xeito inusitado a nosa moral, pensamos que o 2012 pode ser o ano da nosa consagración alén Bierzo, e mesmo estudamos seriamente a posibilidade de editarmos un primeiro disco bilingüe español-galego. Revisitariamos clásicos do grupo para dar lugar a temas como "La granja de Alejandro (A granxa de Alexandre)" .

Saúde e que 2012 se apiade de todas.

Open publication - Free publishing - More navidad

Preparativos do videoclip de "Misión e audaces" e máis.

2011-12-16T21:14:00.003+01:00

Dentro de nada gravaremos, previsibelmente na Coruña, o primeiro videoclip con aparencia "profesional" da nosa humilde historia. Os honores corresponderanlle ao tema máis electrificado de cantos temos: "Misión de audaces".

Este martes "Pel de serpe" soou en Radio 3 para pechar unha entrevista con Xavier Alcalá. Foi no programa "En la nube" a ligazón figura a seguir. O asunto, na hora e 25. http://www.rtve.es/alacarta/audios/en-la-nube/nube-fabula-fotos-desveladas-13-12-11/1272434/

O bolo de aniversario vai collendo forma. Pero vai tardar, e para ben...

Hala, ánimo e sobrevivan.

Polos dez violentos anos xuntos...e polos mil.

2011-11-29T18:28:00.001+01:00

Cúmprense este mes dez anos (e non parou de chover) desde as primeiras xuntanzas no Monte da Condesa e os seus tímidos e nada serios ensaios. O aínda máis desafortunado nome de Ataque Escampe chegaría un pouco despois. Para celebrar a efeméride do desastre á vez que os 1000 seareiros no facebook rescatamos do esquecemento dúas pezas prehistóricas. A estas alturas non nos preocupa en absoluto que coñezades o malos que eramos. Quén podería adiviñar daquela que eses balbuceos rematarían por dar un grupo máis ou menos de verdade? O certo é que ouvindo "Nos zapatos do amor", gravada por medio dun mini-disc no 2002 canda Brais de Sacha na horta, co falsete da cantante cara ao final parece que augurabamos o xiro soul. Pola contra, o punk-folk de "Moscas na tea" non terminou de xermolar -de nada, ouvidos humanos.

En breve coñeceredes data, hora e lugar para o bolo do décimo aniversario, que estará inzado de temas pouco habituais no directo e mesmo algúns inéditos. Estaremos franqueadas por antigos membros de AE e ilustres companheiras do metal. E Roi Vidal chorará para todas vós, como nas auténticas traxedias gregas.

"Nos zapatos do amor": http://www.goear.com/listen/c53865e/nos-zapatos-do-amor-maqueta-2002-ataque-escampe

"Moscas na tea": http://www.goear.com/listen/99e1754/moscas-na-tea-ataque-escampe

NOS ZAPATOS DO AMOR (2002, con mini-disc)

Un poema é un poema

E unha rosa é unha rosa.

Pero os teus ollos son…

O roce exacto do misto

Nos zapatos do amor (Bis)

Un poema é un poema

E unha rosa é unha rosa.

Pero a miña vida é…

Si, a miña vida é…

A única esperanza que me queda

De nunca morrer (Bis)

Si, a miña vida, a miña vida…

Que palabra tantas veces pronunciada (vida, vida…)

Esta totalidade, a palabra alongada.

Vaia vaia, por fin me decato:

As vidas de tódolos homes que sen palabras ficaron.

Un poema é un poema

E unha rosa é unha flor.

E a morte enriba nosa é…

Si, a morte enriba nosa é

O suicidio dun poema, harakiri de papel (Bis)

MOSCAS NA TEA (2002, con mini-disc)

Mércame un axóuxere novo, mamá,

Non quero moscas na tea.

Ou apréndelle unha naina ás arañas, mamá,

Que senón hei deixar toda a cea.

Que a herba medre pola noite

Non o acabo de concibir.

Que me digas cousas xeitosas

Antes de me durmir… (por que?)

E quéresme vivo mais só dunha certa maneira,

E quéresnos vivos de pulso e de respiración.

E eu quero un “queremos” que soe ben alto na feira

De onde nos traes as moscas e a dor.

Mércame un axóuxere novo, mamá…

Que cousa non cantarlle á vida,

Que morte non querela ver.

Prefíroa fea e espida

Que vestida e fea tamén.

E quéresme vivo mais só dunha certa maneira…

Mércame un axóuxere novo, mamá… (Bis)

Volven as barbas (Ataque Escampe e Terbutalina no Pichel)

2011-11-22T18:25:00.004+01:00

Mirádeo polo lado positivo: volven as barbas...

Sábado 26 desde as 21:30 as Ataque Escampe cos compis de Terbutalina, na Gentalha do Pichel (Compostela). Un euro e medio por banda. No twitter califícano de genovada galega.

Que bote, que bote. Que bote Roi Vidal.

A última fazaña das Ataque Escampe

2011-11-14T15:15:00.002+01:00

Como suporedes a música non nos dá nin para pipas. Mais con certeza estanos facendo millonarias en anécdotas, que non se esgotan nos concertos en Varsovia nin nas mencións no Parlamento.

Sábado emitiron no Telexornal un vídeo promocional do derbi galego coa nosa canción "A banda desdenhada (Entre O Leo e o mamoneo)" como banda sonora. Mais o rechamante aconteceu Domingo: no videomarcador de Riazor, xusto antes de botar a bóla a rodar e diante de 35600 persoas, pasárono outra vez.

Esperemos que as axencias de calificación permitan a existencia dos nosos netos. Embaixo o vídeo...

AE no Desconcerto de Betanzos

2011-11-07T21:02:00.000+01:00

Presentación de Violentos anos dez na Coruña

2011-10-24T19:49:00.003+02:00

Máis allos contra as meigas preto de Riazor... Todo o anunciado nos Violentos anos dez estase a cumprir. Xa tivemos ocasión de desculparnos en Vigo. Mais para paliarmos no posíbel o efecto profético do disco canto ao descenso do Dépor, e para reconciliarnos coas seareiras coruñesas, tocamos este xoves 27 de outubro en Discos Nonis (Rúa Pérez Cepeda) contra as 20:00 e con entrada de balde. A esa hora exacta comeza o partido do Dépor, mais se non acudides ao concerto vai palmar, palabra de Ataque Escampe.

Isto é case todo, amigas. En breve algo máis.

Forza Obra!

Ataque Escampe na Rockdelux

2011-10-04T15:25:00.001+02:00

Comentan cousas de Ataque Escampe nos foros oficiais do Obra, algo que nos emociona. Ademais, tamén falan de nós e doutras companheiras do metal na Rockdelux de outubro, nun informe sobre a música galega de 2011 subtitulado "Gallegos de Alabama".

Ataque Escampe no Festivalo

2011-09-22T20:12:00.002+02:00

AE retoma o pulso dos escenarios este venres no Festivalo de Manselle (Dodro). O programa Planeta Furancho de Radio Galega Música emitirase en directo desde alí.

Se sabedes dalgún atallo para salvar o mundo, avisade...

<p>&amp;amp;amp;lt;p&amp;amp;amp;gt;&amp;amp;amp;amp;amp;amp;amp;lt;p&amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;lt;a href="http://remate.bandcamp.com/track/01-t-pico-de-california"&amp;amp;amp;amp;amp;amp;amp;amp;amp;gt;01 Típico de California by Remate&amp;amp;amp;amp;amp;amp;amp;amp;amp;lt;/a&amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;lt;/p&amp;amp;amp;amp;amp;amp;amp;gt;&amp;amp;amp;lt;/p&amp;amp;amp;gt;</p>

Entrevista en Mondo Sonoro

2011-09-13T16:58:00.007+02:00

No último número da Mondo Sonoro aparecen unha entrevista ás Ataque Escampe (páx.4) e unha pequena crónica do concerto do QueroStar (páx.13). A entrevista componse de extractos da que xa fora publicada no seu día no web de Xavier Valiño. Podedes acceder a ela na parte inferior do post.

E 23 de setembro estreamos formación no Festivalo 2011, xa sen a ministra de promoción:

Saúdos saudosos.

Open publication - Free publishing - More reperkusion

Novo videoclip das Ataque Escampe: Segunda división

2011-08-29T12:13:00.002+02:00

Antes de nada informámosvos de que se amplía a rede de puntos de venda do disco: coa Libraría Torga de Ourense (Paz, 12) e a Libraría Michelena de Pontevedra (Alameda, 8).

E por fin o videoclip que lle faltaba a Violentos anos dez, desta vez coa sociedade Mosqueira-Solleiro (O longo adeus Producións) a debutar no audiovisual.

Pois si, agora que remata o verán, a nosa precariedade vital maniféstase outra volta nas súas odiosas dimensións reais. Pero tamén se achega o derbi en segunda, ese canto coral...

Ampla entrevista en Protexta e máis cousas

2011-08-22T17:56:00.002+02:00

A última portada de Protexta está dedicada ás Ataque Escampe. No interior figuran unha ampla entrevista e textos sobre o grupo de Teresa Cuíñas e Martiño Noriega. Aquí podedes descargar o número en cuestión, na sección "Archivos pdf" que se atopa na parte inferior dereita.

Ademais, contámosvos que en nada estrearemos o videoclip de "Segunda división".

E van unlas ligazóns que teñen a súa curiosidade: unha fotorreportaxe do bolo do Cachán e o vídeo de parte do concerto do Querostar.

E xa postas, de propina, o top 1 das escoitas de AE neste verán:

Presentación en Compostela e os audios de Radio Galega Música

2011-08-16T13:11:00.000+02:00

Despois da presentación das cancións sen o disco, de concertos circunstanciais e de actuacións sorpresa, regresamos á cidade natal para facer -agora si- a presentación de Violentos anos dez como a ocasión o merece. Esta será, ademais, a ÚLTIMA OPORTUNIDADE nesta tempada para verdes a Ataque Escampe coa formación actual (quinteto).

A cita, este xoves 18 de agosto contra as 22:30 no Cachán. A entrada é como de costume de 10 euros con disco ou 3 euros sen el. Axudádenos a demostrar que tamén hai vida no mes de agosto fóra de Sanxenxo e Portonovo!

Para quentarmos motores recuperamos os audios das entrevistas de xullo en Radio Galega Música:

RADIO OCEÁNICA (selecciona o programa do 24 de xullo)

PLANETA FURANCHO (selecciona o 28 de xullo)

Xoves no Cachán, xente!

QueroStar e Vikinsons

2011-08-01T13:29:00.000+02:00

Comezamos a facer o noso humilde agosto este xoves 4 no concurso QueroStar de Carral, con Moon Cresta. A partir das 22:30 na Sala The Star.

Continuaremos tapando os nosos buratos económicos o sábado no Vikinsons de Catoira, contra as 00:00, acompañadas das colegas de Ultraqäns.

Feliz neboeiro.

AE hoxe en Planeta Furancho. O vídeo de Tourettes.

2011-07-28T13:11:00.000+02:00

As ministras Vidal e Mosqueira farán hoxe un oco na súa axenda para desprazarse até o Planeta Furancho. En directo na Radio Galega Música a partir das 23 h.

Por outra banda xa está en Vimeo a fita Tourettes, de Martín Fiallega, en cuxa banda sonora figura o nosa versión de "Para che falar de amor". Recomendamos o visionado de toda a curta, así que non daremos pistas de onde é que salta a canción.

Van os bolos máis inmediatos:

-4 de agosto: Sala The Star. CARRAL.

-6 de agosto: Vikinsons 11. CATOIRA (+Ultraqäns)

-18 de agosto. Pub Cachán. COMPOSTELA. Con entrada.

Reseña de Violentos anos dez en "Ábrete de orellas"

2011-07-26T11:22:00.000+02:00

Ataque Escampe: Violentos anos dez

Sen ser precisamente uns virtuosos instrumentistas, esta banda compostelá diferenciouse do resto das formacións galegas pola súa querencia pola tradición da música estadounidense de raíces e un textos cargados de retranca, humor e ironía apoiados en diversas referencias populares e xeracionais. Cos seus álbumes "Galicia es una mierda" e "A grande evasión" (do mellor do 2009 para esta web) tiveron certa repercusión mediática grazas a que "co bipartito había máis facilidades: os grupos galegos saían na radio, e agora a maioría dos medios non amosan interese na cultura galega...", como eles din nunha interesante reflexión que liamos hai uns meses no seu blog. Para este terceiro álbum (se non contamos aquel “Ed Wood …” que non fora editado fisicamente) levaron a parte técnica -gravación, mesturas e masterización- aos estudios Abrigueiro (Friol) coa implicación de Arturo Vaquero e Jahel Piñeiro aos mandos. Querían facer as cousas doutro xeito e apostaron por un disco co soul coma protagonista e nesta liña cómpre salientar os ventos de Manuel e Marcos Paino, Martiño Domínguez en temas como “Segunda División” ou “Pel de serpe”. Mais non todo é country-soul, como amosan as guitarras máis underground en "Misión de audaces", o bailable instrumental de corte lounge "O amor en Acapulco" ou a ben acaída adaptación ao neo-folk co acordeón do rapeado da "Festa malandrómica". No lírico amosan uns textos máis críticos, máis reivindicativos, con referencias aos pobos oprimidos en “Once Upon A Time: a Terra Cha” e "A cabana do Tío Tom" ou á condición de estar nunha segunda división. Seguen insertando atinados diálogos de película, referencias populares ("asumen a existencia como o Celta en Segunda División", "cando descenda o Depor todas as copas serán de cristal", “as boleiras de Área Central”, “Veño do país de Don Pimpón, arrastrando o chándal polos campos de algodón”), poéticas ("galegos de Alabama tratade ben aos galegos") e musicais (Supremes, Stax, “Curtis Mayfield”, Enemigos …). Así, non deixan de ser eles pero asinan unas cancións que soan máis pop, cuns medios tempos que enganchan facilmente malia a pesadume contextual das letras.

Pepe Cunha 13-xullo-2011

Entrevista con Xavier Valiño en Ultrasónica. Pontedeume e Tui.

2011-07-19T14:04:00.001+02:00

A axenda ministerial desta semana está ocupada polas seguintes citas:

-PONTEDEUME: Venres 22 de xullo. Lugar por confirmar. 23 h. De balde.

-TUI: Sábado 23 de xullo. La Fabriquería. 23 h. De balde.

Estes días apareceu publicada no ezine Ultrasónica, do que é responsábel Xavier Valiño, unha recomendábel entrevista coas Ataque Escampe. Vémonos por aí!

Hablamos de su primer disco. “Galicia es una mierda era un disco más directo que enganchó a mucha gente por el título y, en ciertos ámbitos, llegó a sonar bastante”, aseguran los componentes del grupo gallego Ataque Escampe, que en estos días editan su tercer disco, Violentos anos dez. “A grande evasión, el segundo, creemos que se escuchó menos y mejor, también era un disco más difícil”. Para el tercero, más luminoso, la situación se complica a su alrededor, pero intentan sobreponerse a las circunstancias. Ellos nos lo cuentan.

¿Creéis que vuestros dos discos llegaron a aquellos que podía interesarles?

- Con esto de a quién se llega y a quién no, siempre se imagina uno que no es suficiente. En nuestro caso, seguramente no habremos llegado a algunas personas por la barrera que levantan muchos medios a causa del idioma. Pero el gueto es grande y variado, y preferimos concentrarnos en la gente a la que sí hemos llegado, aunque sólo sea por un mínimo de gratitud.

¿Se tradujo eso en suficientes conciertos? ¿Dónde deberíais haber tocado que no lo habéis hecho y dónde os gustaría tocar aunque sea un sueño?

- En 2008 tocamos bastante. En 2009 algo menos y en 2010 menos todavía. Ahora estamos levantando vuelo otra vez. El panorama cultural en Galicia es otro y hay que moverse de forma distinta. Todavía estamos aprendiendo. Por lo demás, nunca hemos sido fetichistas en cuanto a los lugares de los conciertos ni como público ni como músicos.

¿Se puede decir que Violentos anos dez significa una evolución significativa frente a los dos álbumes anteriores o lo veis más como una continuación?

- Lo vemos como una continuación en cuanto a que cada disco tiene su momento, su espacio y sus razones de ser. No podemos colocar los discos todos en fila y pensar siempre que los últimos ‘superan’ a los anteriores. Ahora mismo es el que más nos gusta porque es el último y todavía no sabemos qué pasará con él, pero eso es todo. El único ámbito en el que admitimos que supone una evolución es en el puramente técnico; ahí, sí.

En esa evolución, ¿cuánto ha tenido que ver lo que habéis escuchado, a música que habéis descubierto en este tiempo, y cómo se introduce eso en vuestras canciones?

- Mucho. En este caso, escuchamos mucha música negra (sobre todo soul de los 60 y 70, pero no sólo) durante el período de gestación del disco. Esas canciones tienen casi siempre una excelencia instrumental inalcanzable para nosotros, pero algo en la estructura de las canciones, en la armonía y en el tono general ha quedado –creemos- en nuestro disco.

¿Cuánto han tenido que ver en ello Lambchop o Curtis Mayfield, que está incluso en un título?

- Precisamente la adaptación de la música soul a nuestras posibilidades técnicas y a nuestra trayectoria previa nos ha dejado en un lugar en cierto modo próximo a grupos que, como Lambchop o Yo La Tengo, por ejemplo, han incorporado puntualmente elementos soul a bases rock o pop para crear algo completamente diferente. Es decir, lejos del revival o la imitación; lejos también del ‘blue-eyed soul’. En cuanto a Curtis Mayfield, nos impresiona su voz, lo natural de su presencia y que tenga nombre de ayuntamiento gallego.

Aparecen también The Stooges, Bilie Holliday, The Supremes y otros. No son los únicos citados de una forma u otra, ¿no?

- No. El disco está lleno de expropiaciones, y no sólo musicales. En los créditos hemos enumerado la mayor parte, para que no se diga. Así, cuando uno se aburre de las canciones puede seguir escuchando el disco como una especie de ¿Dónde está Wally?

Me gusta mucho que hayáis incluido la versión de Malandrómeda. ¿Había ganas de reivindicarlos?

- Sí. Es el grupo más interesante en activo de Galicia, de cualquier estilo. Y un ejemplo de independencia muy bien entendida.

¿Han cambiado los motivos que inspiran las letras, con la turbulenta situación actual?

- No, lo que ha cambiado, al menos en nuestro caso, es la manera de enfocarlos. Los motivos cambian menos de lo que a uno le gustaría.

En ese caso, ¿cuáles son esos temas que creéis que un artista debe tocar en sus canciones o, al menos, los que a vosotros más os motivan?

- Nos motiva cualquier tema que implique de algún modo las relaciones humanas, que permita ser contextualizado y conectado con otros y sobre el que se puedan practicar algunos agujeros por los que entre, por así decirlo, la vida. A esto podrían llamarlo de muchas maneras, tal vez política, tal vez amor, y nadie se equivocaría demasiado.

Parece que el contenido es más pesimista en cuanto a la situación social, de opresión cultural y política, ¿no? Curiosamente, lo envolvéis con un sonido más luminoso.

- El referente último es doloroso, sí, pero no lo vemos desde el pesimismo sino desde la serenidad de quien tiene poco que perder. En realidad este disco es lo más optimista que hemos hecho hasta ahora, y seguramente no sólo como músicos. No creemos que sea tan contradictorio como parece. La historia de la música popular se nutre en gran medida de esa euforia de los oprimidos.

Hace un tiempo lanzasteis un comunicado. Supongo que habrá gente que no se haya enterado y también otros que, leyéndolo, no llegaron a entenderlo de todo. ¿Queréis explicarlo?

- El comunicado “As Ataque Escampe decrecen (para seren máis felices)”, que sacamos en febrero y se puede encontrar en varios sitios de internet, era una toma de posición respecto al nuevo panorama cultural gallego donde explicitábamos, para reforzarlo, nuestro compromiso con la autogestión y la independencia musical. Queríamos hacer público que era el momento de marcar un punto de inflexión y que los momentos más bajos tienen que ser los más optimistas porque lo único que se puede hacer ya es subir. Que lo que no nos mataba nos haría más fuertes. Y así ha sido, creemos.

¿Realmente Ataque Escampe echan un tanto el freno?

- No se trata tanto de echar el freno como de ser realistas, mirar alrededor y preguntarse seriamente de qué cosas se puede prescindir. Y después se da uno cuenta que precisamente esas cosas de las que ha prescindido eran, en muchos casos, el freno.

¿Cuál fue el papel de Arturo Vaquero en el resultado final del disco, teniendo en cuenta que el viene de la música electrónica?

- Bueno, el bagaje musical de Arturo Vaquero es, o parece ser, suficientemente amplio para trabajar con solvencia en diferentes estilos (no lo decimos sólo por nuestra experiencia, sino también como oyentes atentos de otros discos mezclados por él). Arturo fue fundamental en la sonoridad del disco. En teoría su papel era sólo el de técnico, pero como no había una figura fuerte de productor (los productores fuimos nosotros mismos, porque aunque teníamos las cosas claras en cuanto a los arreglos, no las teníamos tanto sobre la sonoridad), cuando mezclaba iba tomando decisiones, A o B. Y claro, tomaba siempre las correctas.

Está claro el homenaje cinematográfico del título, pero habéis

cambiado el veinte por diez. ¿Por qué?

- Porque hablamos del presente y la década que acaba de empezar es la de los diez. Nos sentimos muy ligados a nuestro siglo, que es sin duda este aunque hayamos nacido en el otro.

También hay muchos extractos de películas. ¿Cuáles? ¿Cómo han influido esas películas y sus directores en vuestra obra, en este disco?

- No se trata tanto de que unas películas en concreto nos hayan influido sino de haber podido descontextualizar y reutilizar fragmentos de películas para reforzar nuestro discurso musical. Además, en esta ocasión hemos querido trabajar sólo con películas dobladas al gallego, con lo que el abanico de opciones no era muy grande. Hay fragmentos de Raíces profundas, El Dorado, Rebelión en las aulas, El regreso de Blácula y El jinete pálido.

¿Seguís pensando que editar el disco con el netlabel A Regueifa es la mejor de las posibilidades o no queda otra tal y como está la industria?

- Seguimos pensando que es la mejor de las posibilidades.

Por último, ¿cuál ha sido la mejor anécdota de este tiempo en la música?

- Ninguna. Nuestra vida es extremadamente aburrida y gris. Excepto el día que hablaron sobre Galicia es una mierda en el Parlamento; en esa ocasión nos reímos mucho.

No Top 1 da Mondonoro de Galiza-Castilla y León

2011-07-12T17:06:00.003+02:00

Este verán Violentos anos dez figura no Top 1 da edición de Mondosonoro para Galiza e Castilla y León. Como exercicio de humildade e para non profanar en exceso o rock de serie B, tocamos a noite do sábado nas festas da Esfarrapada (Anceu) en Pontecaldelas. Amenizamos unha churrascada popular. Á espera de concretarmos os concertos de Burgos, Valladolid e Aranda del Duero, mantémonos fieis ao auténtico feito diferencial galego con proxección de futuro.

Ferrol e axenda para o verán

2011-07-05T20:05:00.004+02:00

Continuamos por Alabama adiante, desta volta na Sala Super 8 de Ferrol, o sábado ás 22:30. Logo do concerto, o picadiscos Ábrete de orellas. Outra oportunidade para facervos co disco por sete euriños de nada. Por certo, din desde o Gatos que en Melide aínda hai xente que non pasou a recoller o seu exemplar, malia a telo pago...

Actualizamos tamén a axenda deste verán, á que en breve engadiremos máis bolos:

-9 de xullo: Sala Super 8. FERROL. Con entrada.

-16 de xullo: Festas da Esfarrapada. PONTECALDELAS.

-23 de xullo: Sala La Fabriquería. TUI.

-18 de agosto. Pub Cachán. COMPOSTELA. Con entrada.

Uf!! Regueira, Galeano, Teo, Boiro...

2011-06-27T14:25:00.006+02:00

Toca un post sobrecargado. Xoves estivemos na Coruña e sen previo aviso as de Ataque Escampe Trío, botándolle unhas pezas no Patachim para acompañar a Mario Regueira na presentación do seu recomendable libro Lois Pereiro. Unha persecución e na sardiñada postpunk que seguiu. A foto é desa pequena actuación e tomámola, sen permiso, do twitter de Leirado.

Venres reencontrámonos en Vigo co público do Uf, que xa adxectivamos o suficiente no directo (non se vaia empachar). Amais deixamos no local máis discos por se alguén non o conseguiu aínda.

A semana pasada tamén, algunhas das nosas seareiras aparcaron a comida do mediodía para facer patente no seu twitter a sorpresa de que "Segunda división" puxera o colofón a unha entrevista co mesmísimo Eduardo Galeano en "Carne Cruda", de Radio 3. Podédelo escoitar nesta ligazón, reproducindo o arquivo do 22 de xuño a partir do minuto 36.

Estaremos venres en Teo na compaña de varios grupos amigos, no festival "Música na noite", e domingo en Boiro por unhas festas galegas e populares.

Big Man Roi Vidal (delirios no Café Uf)

2011-06-20T15:07:00.004+02:00

Ataque Escampe regresamos ao Uf este venres. Posibelmente nunca teriamos sacado tres discos físicos de non cruzarse na nosa traxectoria certo público, certo xurado e certo local. Dixemos.

De novo unha boa ocasión para vos facer co disco físico a un prezo case regalado. Nas tendas que vos adiantamos a semana pasada xa está dispoñíbel, mais por motivos obvios non podemos ser tan xenerosas como nos locais.

Curiosamente a primeira vez que tocamos no Uf foinos tan gratificante que alguén citou na súa efusión, e nunha homenaxe espontánea e desvergonzada, a un célebre saxofonista. Isto quedou rexistrado, aínda máis desvergonzadamente, na CARA B do Ed Wood... Pois ben, desde o domingo sábese que "Big Man" deixou de respirar/soprar e que non se vai reunir máis a E-Street Band. Menos mal que nós si podemos vivir sen kazoo, que non é o mesmo que sen Roi Vidal, que segue vivo malia a súa canción...

Os puntos de venda de "Violentos anos dez"

2011-06-16T21:46:00.003+02:00

Boas novas, pacientes seareir@s. Desde mañá venres 17 de xuño estarán disponíbeis as edicións físicas de "Violentos anos dez" (que inclúen as letras e a rareza freestyle "Roi Vidal") nos seguintes puntos:

-A CORUÑA: DISCOS NONIS (Pérez Cepeda, 13-15) e LIBRARÍA SISARGAS (Curros Enríquez, 9)

-COMPOSTELA: DISCOS GONG (Dr.Teixeiro, 1) e A GENTALHA DO PICHEL (Santa Clara, 21)

-OURENSE: LIBRARÍA TORGA (Paz, 12)

-PONTEVEDRA: LIBRARÍA MICHELENA (Alameda, 8)

-VIGO: HONKY TONK (Falperra, 18), CAFÉ UF (Pracer, 19) e ELEPÉ (Dr. Cadaval, 37)

Lembrade que tamén o podedes encargar na Regueifa Tenda.

Saída oficial do disco físico e entrevista en Canarias Ahora Radio

2011-06-14T14:04:00.003+02:00

Desde este venres 17 poderedes conseguir as edicións físicas de "Violentos anos dez" en diferentes puntos de venda de Compostela, Vigo e A Coruña que en nada faremos públicos. Nas próximas semanas irán aumentando as localidades onde poder facervos cos discos. Tamén e como xa é habitual, podedes solicitar o seu envío desde A Regueifa Tenda.

Lembrade que nestas edicións está incluído o tema "Roi Vidal", un exercicio interminábel de música e composición freestyle, que supón un interesante documento sobre como se xestan algunhas cancións en AE.

A semana pasada entrevistaron á ministra Solleiro no programa Intangible 23 de Canarias Ahora Radio, adicado ás músicas con licenza Creative Commons.

Na Sala Doble Moral de Lugo

2011-06-06T19:58:00.003+02:00

Esta semana chégannos os discos físicos e a partir da que vén comentámosvos como podedes conseguilos. O venres 10 seguimos coa rolda de presentacións, desta vez na Sala Doble Moral de Lugo, contra as 22:30.

Ataque Escampe na acampada do Obradoiro

2011-06-01T21:05:00.000+02:00

SE TODO VAI BEN as Ataque Escampe tamén nos indignaremos cun concerto na praza do Obradoiro este venres 3, por volta das 22 h. Lembrade que ao día seguinte estamos na Illa de Arousa (O con do moucho, 00 h).

Máis datas na axenda e entrevista en "Entérate"

2011-05-30T17:54:00.005+02:00

Este sábado cruzamos o atlántico por segunda vez para tocar na Illa de Arousa (O con do moucho, 23:30).

Ás vellas datas de concertos que vos facilitaramos sumamos agora outras. Malia non termos o disco físico aínda, podedes beneficiarvos nos locais da entrada especial de dez euros que inclúe o CD: deixades os vosos datos na sala correspondente e nun breve prazo poderedes recollelo alí mesmo. Así as cousas este é o calendario inmediato:

-4 de xuño. A ILLA DE AROUSA. O con do moucho. Con entrada.

-10 de xuño. LUGO. Sala Doble Moral. Con entrada.

-24 de xuño. VIGO. Café Uf. Con entrada.

-1 de xullo. TEO. Campo da festa de Calo. Canda GalegoZ, Novedades Carminha e Medomedá. De balde.

-3 de xullo. Festas de BOIRO. C.S.Aturuxo. De balde.

-9 de xullo. FERROL. Sala Super 8. Con entrada.

Vén de ser publicada unha entrevista na páxina "Entérate" a cargo de estudantes de Comunicación. Versa entroutras cousas sobre o movemento bravú, e no medio das referencias e os mitos vivintes de Reixa e Souto andamos nós deslucindo o conxunto. Podedes ler a nosa entrevista e acceder á ligazón das outras dúas aquí.

Melide e conversa "a tres bandas"

2011-05-24T14:05:00.005+02:00

Logo da final da Champions podedes acudir ao concerto das AE en Melide para celebrar ou esquecer o resultado, ou mellor aínda, amosarvos indiferentes (adiante coas equipas galegas: na segunda e na segunda rexional). Este sábado contra a medianoite no Pub Gatos.

Deixámosvos aquí o encontro "a tres bandas" organizado por Komunikando e o Novas, no que se debateu sobre as perspectivas e o futuro da música galega. Non se deron moitas solucións, mais si que se atinou co diagnóstico. Participaron a nosa ministra Mosqueira, Martin Wu (The Homens) e Davide Seném (ex-Xenreira). Por certo que AE non somos necesariamente isolacionistas, como pode parecer ao final.

Ánimo a toda a xente de ben. No XIX estabamos peor, moito peor.

Estonia e a entrevista no Diario Cultural

2011-05-18T21:19:00.005+02:00

As estonias, como as galegas, saberían entender que no último concerto de Compostela non se deron as circunstancias técnicas necesarias para un directo que aspirase a algo máis que amenizar unha comuñón. E xa se vía vir co grupo que nos precedía... En fin, puido deberse a un malentendido coa organización (amiga antes, durante e despois) canto ás condicións de son, mais en calquera caso nós non ensaiamos para "iso". En Melide toca revancha.

Mais as estonias, como as galegas ou iso esperamos, poden conectar con discos feitos en idioma galego. Unha en concreto escribiu un post no seu blogue "Recent music heroes" sobre Violentos anos dez.

E máis entrevistas. Durante esta semana podedes escoitar nesta ligazón a que nos fixeron no Diario Cultural da Radio Galega. A partir do minuto 37.

Deixámosvos con máis música negra, que sabemos que gostades. Obrigadas a Carlos de Linho do Cuco polos inquietos xoguetes rotos que nos emprestou para o segundo corte do disco.

Primeiras datas

2011-05-08T22:22:00.001+02:00

A nosa ministra de promoción, antes de decidir que tiña que caer da bici, dislocar un brazo e deixarnos orfas de banxo para os próximos directos, fixo algunhas xestións de proveito. Estamos pechando máis concertos, pero xa vos adiantamos as seguintes datas:

-14 de maio. COMPOSTELA. Festa do 17 que se fai o 14. Praza 8 de marzo. De balde.
-28 de maio. MELIDE. Pub Gatos. Con entrada.
-4 de xuño. A ILLA DE AROUSA. Sala O Con do moucho. Con entrada.
-13 de xuño. LUGO. Sala Doble Moral. Con entrada.

Entrevistas en Radiofusión e Galicia Hoxe pola saída de "Violentos anos dez"

2011-04-28T12:05:00.002+02:00

Os medios fan eco da saída de "Violentos anos dez", xa descarregábel gratuitamente desde A Regueifa Plataforma.

Entrevista a Roi en Galicia Hoxe, na que se incide no aspecto máis comprometido do disco.

Extensísima entrevista a Samuel no programa "O viraventos" de Radiofusión, no que onte falou polo miúdo de cada un dos temas, aportando novos e interesantes datos. O audio pódese escoitar dende o taboleiro do noso facebook, facilitado polo propio programa.

E por fin...

2011-04-27T15:05:00.002+02:00

Pronto. Houbo filtracións inesperadas debidas a malentendidos (Spotify, Itunes...) mais hoxe é o día. Temos a alegría e, que carallo, o orgullo, de vos presentar, para descarregardes en http://aregueifa.net/ , o noso Violentos anos dez. Se gostades, difundide a boa nova. Se non gostades, difundide a nova a secas.

Lembrade que en breve habemos dar a data de maio na que poderedes mercar o disco físico, no que se inclúen como agasallo un tema freestyle e mais as letras das cancións.

Comentamos os temas de "Violentos anos dez"

2011-04-19T19:32:00.003+02:00

A saída dixital do disco está marcada para o 27 de abril. Como petisco xa tedes os dous adiantos, aos que agora engadimos os comentarios dos dez temas:

1. Xogar na segunda división non é intrinsecamente malo. Axuda en todo caso a relativizar os problemas e a ver a vida con outros ollos. Ás veces, ante os problemas, prodúcense momentos de estraña euforia colectiva, a alegría de quen ten xa ben pouco que perder. Desa felicidade sarcástica dos oprimidos nacen os ritmos que máis nos prestan. É de noite e non temos cartos, pero no ghetto non se está tan mal se se lles deixa liberdade aos pés ou se Meteogalicia anuncia sol para o día seguinte. Sobre un par de acordes dun irrecoñecíbel John Coltrane, construímos con moito rhodes e un saxo tenor a nosa arte poética para os violentos, violentísimos anos dez.

2. En máis dunha cousa e en máis de dúas, falar de racismo para referirse a algúns aspectos da realidade política deste noso far west non é particularmente esaxerado. Título de vaqueirada e música de xoguetes rotos neste Once Upon a Time: a Terra Cha. Unha canción triste para nenos do interior.

3. Unha tal Ana protagonizou, anos atrás, un vello éxito de Ataque Escampe. Ana regresa hoxe nunha nube de electricidade: non lle interesan os moluscos e ten moito que dicir. Unha misión de audaces que só podía rematar coa providencial axuda das Supremes. Unha canción contra a inocencia que, non por acaso, é ao mesmo tempo unha canción sobre as cancións e sobre o cabo pelado que conduce da música ao sexo e viceversa.

4. Nuns versos célebres, Rosalía de Castro focalizou un importante problema do país nunha ameaza exterior. Apoiándonos no rock sureño e na música africana, modificamos eses versos aplicados a un contexto dixie para amosar como o problema tamén pode estar na propia cabana do tío Tom na que vivimos, e retratar unha sociedade esquizofrénica por causa da pegada da escravitude que pode ser, perfectamente, a nosa.

5. A cidade que Elvis percorría na súa bicicleta no filme Fun in Acapulco (Richard Thorpe, 1963) é hoxe un lugar bastante decadente que coñeceu tempos mellores, e por iso o amor en Acapulco só pode ser imperfecto e benintencionado, como a nosa música. Coa axuda do gran Cantinflas percorremos a cidade mexicana e levamos nos altofalantes este tema instrumental, posibelmente o máis sofisticado que as Ataque Escampe fixemos nunca, e que soará no fío musical cando, para celebraren as vodas de ouro, salten da Quebrada os xubilados que nunca seremos.

6. Facemos, a partir duns poucos versos roubados do libro Acusación de Xiana Arias Rego, unha homenaxe ao xénero cinematográfico do blaxploitation. No filme Superfly (Gordon Parks Jr., 1972) hai unha secuencia que ten lugar nun bar no que está a tocar, como quen non quere a cousa, o único grande do soul con nome de concello galego: Curtis Mayfield. En certo modo a música fai que o conflito dos protagonistas do filme (algo sobre drogas, cremos lembrar) resulte anecdótico fronte ao verdadeiramente importante, que, como na vida, acontece sempre nun segundo plano. En canto a Mr. Mayfield, tamén gostamos da súa presenza no escenario como un señor normal. Podería ser o noso pai no caso de que algún dos nosos pais fose negro.

7. Non imos dicir nada novo: cando hai unha ferida cómpre un pouco de esparadrapo, algodón de Louisiana e moita, moita paciencia. Un poema de Robert Haas e a voz convalecente de Billie Holiday, aderezados cos saloucos dos slides e a asma dos hammonds, orixinan unha canción envolta nesa calma, eléctrica e impredicíbel, que teñen as cálidas noites de chuvia no vello sur.

8. Unha versión non rapeira dun tema de rap sempre é unha aposta estraña. En todo caso, postas a celebrar as músicas de raíz negra das que máis gostamos, non podiamos perder a oportunidade de versionar os enormes Malandrómeda coa súa exhaustiva descrición do que debe ser unha festa malandrómica. Capas superpostas de instrumentos irrecoñecíbeis, ruídos cósmicos e a voz do cantante suplente, no momento álxido do disco se o medimos pola escala do optimismo.

9. Desdobrámonos, deixamos atrás a nosa pel de serpe e observámonos, a nós e á xente da nosa laia, a través dos ollos dunha persoa normal. Temos as nosas dúbidas sobre se gostamos daquilo que vemos. A sección de ventos fai o resto, e desa si que gostamos.

10. No ano 2019 imos ter aínda menos pelo que agora e os violentos anos dez irán chegando ao seu final. Voltarán (esperámolo así, ou talvez non) tempos plácidos e contemplativos. Como for, o disco só podía rematar en clave de spiritual, entre puñaladas de relixión e o desacougo dunhas vacacións en Twin Peaks (David Lynch e Mark Frost, 1990-1991). No final deste spiritual 2019, unha harmónica, un banxo galáctico e unhas poucas pandeiretas anuncian seguramente algo, bo ou malo pero que, en todo caso, descoñecemos.

Comentarios dos temas de Galicia es una mierda.

Comentarios dos temas dA grande evasión.

"Violentos anos dez" en El País

2011-04-15T13:19:00.000+02:00

‎"Violentos anos dez" no suplemento Luces de El País. Atentas, nuns días daremos as datas definitivas para a saída do disco, a virtual e mais a real.

http://www.elpais.com/articulo/Galicia/Country/soul/tempos/duros/elpepiautgal/20110415elpgal_25/Tes

Os adiantos do disco: "Curtis Mayfield" e "A cabana do Tío Tom"

2011-04-11T18:02:00.002+02:00

Xa podedes escoitar dous adiantos de "Violentos anos dez" no noso myspace: "Curtis Mayfield" e "A cabana do Tío Tom". Este último tema, ademais, concursa dende hoxe no Cantalingua.

Facemos, a partir duns poucos versos roubados do libro Acusación de Xiana Arias Rego, unha homenaxe ao xénero cinematográfico do blaxploitation. No filme Superfly (Gordon Parks Jr., 1972) hai unha secuencia que ten lugar nun bar no que está a tocar, como quen non quere a cousa, o único grande do soul con nome de concello galego: Curtis Mayfield. En certo modo a música fai que o conflito dos protagonistas do filme (algo sobre drogas, cremos lembrar) resulte anecdótico fronte ao verdadeiramente importante, que, como na vida, acontece sempre nun segundo plano. En canto a Mr.Mayfield, tamén gostamos da súa presenza no escenario como un señor normal. Podería ser o noso pai no caso de que algún dos nosos pais fose negro.

Nuns versos célebres, Rosalía de Castro focalizou un importante problema do país nunha ameaza exterior. Apoiándonos no rock sureño e na música africana, modificamos eses versos aplicados a un contexto dixie para amosar como o problema tamén pode estar na propia cabana do tío Tom na que vivimos, e retratar unha sociedade esquizofrénica por causa da pegada da escravitude que pode ser, perfectamente, a nosa.

En breve describimos o resto dos temas, irmáns.

A capa do disco. Fallo do "I PREMIO DE FOTOGRAFÍA DE SERIE B".

2011-04-07T17:54:00.000+02:00

Esta foto, de alguén que chamaremos por expreso desexo seu Alack Sinner, é a gañadora do certame e consecuentemente a portada do novo disco de AE "Violentos anos dez". A gratificación é a estipulada nas bases do premio.

Ademais, e como recoñecemento á calidade ou á singularidade doutras imaxes presentadas, o xurado resolveu conceder un segundo e terceiro premio que, aínda que modestos, non deberían amargar a ninguén. Nos vindeiros días poñerémonos en contacto cos premiados.

SEGUNDO PREMIO: Martín R. (2 discos de "Violentos anos dez").

TERCEIRO PREMIO: Iria C. e Zeltia (ex aequo e 1 disco por cabeza).

Obrigadas a toda a xente que participou/colaborou.

En nada un adianto de dous temas do disco, estean atentas...

O vídeo da entrevista (e autoentrevista) no Palexco

2011-04-05T14:05:00.001+02:00

O excelente e inesperado día de sol, unha descoordinación nas ligazóns facilitadas e o equívoco nome de "chat ao vivo" (que facía que o público apenas entrase na sala: ver "teclear" non ten nada de interesante), fixeron que o surrealismo fose unha nota constante no encontro dixital con AE no AchegArte. Porén, e baixo o noso punto de vista, enriqueceuno.

Obrigadas á organización pola oportunidade e parabéns polo éxito indiscutíbel da feira. Que veñan moitas máis!

Eis a proba do crime:

http://bambuser.com/channel/Algueirada/broadcast/1550387

(engadido o 6 de abril: e aquí as "tomas falsas" e mais a primeira parte: http://bambuser.com/channel/Algueirada/broadcast/1550336)

Chat ao vivo no AchegARTE

2011-04-01T16:31:00.002+02:00

Obrigadas máis unha vez ao público que se deu cita no Avante o mércores no Avante. Ficamos contentas en bastantes aspectos, e tomamos nota do que aínda pode mellorar. E obrigadas tamén a Suso e a Payno, claro.

Mañá sábado 2 vai chover a eito. É unha boa ocasión para ficardes na casa (con) Ataque Escampe. Imos estar ás 20:30 no AchegARTE respondendo ás vosas preguntas sobre o novo disco ou o que queirades (admítense cuestións sobre a vida sentimental de Novedades Carminha, por exemplo). Podedes seguir tamaño acontecemento en vista streaming desde as páxinas desta feira cultural, onde aparecen máis datos e instrucións: http://acorunacultura.org/2011/04/01/chat-ao-vivo-cara-a-cara-mesas-de-debate-e-encontros-sectoriais-no-achegarte-2011/

Do disco só faltan as copias físicas por chegar. Vai ver a luz desta década cruel na última semana de abril. Por certo que o facebook xa loce a nova foto oficial...

Máis nos vindeiros días, estade atentas.

Presentación do disco e o soño das vosas vidas

2011-03-29T14:45:00.002+02:00

Supoñemos que xa tedes noticia do concerto de presentación en Compostela dos "Violentos anos dez", mañá mércores 30 no Avante e a partir das 22h. A entrada é de balde.

Engadiremos que estreamos formación (con baixo e batera, por fin) e que desta vez facémonos acompañar (sen elas o saber) de: Raoul Walsh, Billie Holiday, Juan Luis Guerra, Sabrina Salerno, Los Enemigos, Howard Hawks, Bobby Womack, Toni Morrison, Rosalía de Castro, Sergio Leone, The Staple Singers, Robert Haas, Celia Gámez, Xiana Arias Rego, Angelo Badalamenti, James Clavell, Tony Joe White, Curtis Mayfield, San Paulo, Bob Kelljan, Xosé Luís Méndez Ferrín, Banda Blanca, Manuel Vilas, Gloria Gaynor, Robert Louis Stevenson, ABBA, Chus Pato, John Ashbery, The Supremes, Sylvie Vartan, John Ford, Yoichi Takahashi, Clint Eastwood, Harriet Beecher Stowe, Martha Reeves, John Coltrane, George Stevens e Cantinflas. Respecto. A propiedade intelectual é un roubo.

O do soño das vosas vidas é por terdes a oportunidade de chatear ao vivo este sábado coas AE, que sairán da súa torre de marfil rumbo á Coruña para o encontro dixital programado por AchegArte. Máis info no evento do facebook.

Vémonos/escribímonos!

As cancións de "Violentos anos dez"

2011-03-22T11:39:00.002+01:00

1- SEGUNDA DIVISIÓN
2- ONCE UPON A TIME: A TERRA CHA
3- MISIÓN DE AUDACES
4- A CABANA DO TÍO TOM
5- O AMOR EN ACAPULCO
6- CURTIS MAYFIELD
7- ESPARADRAPO
8- FESTA MALANDRÓMICA
9- PEL DE SERPE
10- SPIRITUAL 2019

As colaboracións do disco. Ataque Escampe Trío.

2011-03-16T18:35:00.005+01:00

Xa naceu a criatura! Saíu ben feitiña coma a irmá do medio pero é tan respondona coma a maior.

Colamos un texto da páxina de Abrigueiro que fala do disco:

Trabajamos con estos incansables músicos gallegos que recorren desde el soul hasta el country más desértico. Su disco “Violentos Anos Dez” se compone de 10 canciones que retratan el estado de la sociedad actual en Galicia y en el mundo con un tono que va de lo irónico a lo dramático, de lo inocente a lo cruel. Las constantes referencias a la cultura popular completan un disco que destila alma afroamericana.

Aquí fotos da gravación, obra e cortesía do propio Arturo Vaquero.

E coma sempre AE rodéase de amigas para andar o camiño...

Na imaxe a partirtura do enorme Payno pequeno, na que figuran os ventos de "Pel de serpe". No mesmo tema tamén colaboran Marcos Payno e a antiga ministra Marco, que agora lle dá ao berimbau. Pandeireteiras Bouba están presentes en "Spiritual 2019" e o saxo de Martiño (Sacha na Horta) en "Segunda división". Carlos de Linho do Cuco achega os seus instrumentos de xoguete en temas como "Once upon a time: A Terra Cha" e outra vella amiga, Paq, devolve o acordeón diatónico ao son do grupo en "Festa malandrómica".

Venres a partir das 22:00 Festaleiro Corsário Vadio (Bar As dúas, Compostela), no que participa Ataque Escampe Trío con repertorio acústico extraído do inminente novo disco e tamén do resto. Será o petisco ao concerto-presentación do Avante, que en breve anunciaremos.

Saúde antinuclear!

http://www.youtube.com/watch?v=pqrapUblA98&feature=related

Rematada a gravación de "Violentos anos dez"

2011-03-11T17:42:00.007+01:00

As Ataque Escampe vimos de rematar a gravación do novo disco en Abrigueiro. Andamos agora ultimando as pequenas colaboracións doutra xente amiga e tamén os samplers de filmes marca da casa. Destes últimos temos un corpus amplo e engrazado, mais hai que facer poda porque desta vez son "só" dez temas... Pero dez intensos, eh? Amais hai unanimidade no grupo á hora de afirmar que as letras son de longo as mellores que fixemos.

Entre luns e mércores da semana vindeira toca mesturar e masterizar con Arturo Vaquero.

Por outra parte Ataque Escampe Trío repetirá a fórmula do concerto de Aldán -dúas guitarras, harmónica e voz- para adiantar algunhas cancións de "Violentos anos dez" e revisitar outras vellas este venres 18 no Bar As Dúas (Compostela), na clausura das II Jornadas galego portuguesas de ediçao independente. En breve informaremos de máis bolos.

Xa falta nada para a nova intentona das Ataque Escampe de resucitar a Rimbaud...

http://www.goear.com/listen/aeb0d26/joven-de-cuello-vuelto-victor-coyote

AE no Porto

2011-03-01T16:28:00.004+01:00

Despois dos Països Catalans e Polonia, e mentres se concretan as datas para os concertos en Panamá, Palestina e Paquistán, seguimos coa nosa xira internacional polos países que comezan por P.

Será na cidade lusa de Porto, no marco das II Jornadas galego portuguesas de Ediçao independente, o sábado ás 19 h. na Casa Viva (Praça do Marquês de Pombal, 167).

E xa rematamos unha segunda maqueta de dez temas previa á gravación en Friol, que comezará a semana que vén. Desta vez levamos todo moitííísimo máis atado...

Continuará...

"O longo adeus Producións" e entrevista en Culturagalega.org

2011-02-24T16:41:00.000+01:00

Agora que as Ataque Escampe estamos emancipadas acordamos que é o momento de asinar as nosas producións (sempre foron nosas pero desta vez sentímolas máis). Ímolo facer baixo o título "O longo adeus" roubado, tempo atrás, ao tío Chandler, e temos o pracer de vos presentar o logótipo, para cuxa elaboración agradecemos a inestimábel colaboración de Nadina Bértolo.

Desta emancipación, como oportunidade brindada polo feito de decrecermos, fala a ministra Mosqueira nunha entrevista publicada a pasada semana no portal Culturagalega.org.

Máis no próximo programa!

AE no Percebe Son e entrevista en "De luns a venres"

2011-02-14T19:54:00.002+01:00

AE en formato de trío acústico toca xoves ás 18:15 no foro musical galego Percebe Son, no IES Audiovisual de Vigo. Podedes consultar o resto de actividades da xornada aquí:

http://percebeson.wordpress.com/actividades/

E non sería estraño que houbese sorpresas no setlist.

Por outra banda, o mércores pasado a ministra Vidal aparecía na sección "Un respiro" do diario De luns a venres, compartindo o protagonismo con Santiago Segura, o príncipe Harry e maila duquesa de Alba. Certamente, non desentoaba. Achegaba ademais novos segredos do disco Violentos anos dez.

AS ATAQUE ESCAMPE DECRECEN (PARA SEREN MÁIS FELICES). Carta ás ouvintes.

2011-02-08T16:01:00.005+01:00

Amigas todas:

Queremos comunicarvos (non era sen tempo) que o título do noso próximo disco será Violentos anos dez.

Pero tamén queremos dicirvos outras cousas.

Como sabedes, nunca fomos unha banda compracente: sempre tratamos de estar onde cumpría estar e de dicir o que cumpría dicir. Porén, como case todo o mundo, sen sermos simpatizantes de goberno ningún, aproveitamos até onde puidemos certas oportunidades (indirectas, normalmente) que no período 2005-2009 xurdiron, non o imos negar, no mundo da música galega.

Hoxe, case dous anos despois, sabemos que boa parte das facilidades que apareceron naquel período foron castelos no ar. O momento actual de crise (que non nos enganen: máis política que económica) fainos, ou fíxonos, como a tantas, pensar en clave de catástrofe. Boa parte da nosa economía dependía de empresas intermediarias cuxa economía dependía, á súa vez, dunha serie de subvencións e dunhas políticas de promoción da cultura que, polos motivos que todas sabemos, fóronse co vento. O cru presente que, en efecto dominó, se desprende desta situación é que a economía de Ataque Escampe está a piques de pasar o límite da autosuficiencia. É duro, mais así é. Sabemos que non somos as únicas.

Pero tamén sabemos que tivemos parte da culpa en deixármonos atrapar pola comodidade desta cultura da subvención que non dubidabamos en criticar para a galería. Pensabamos que o noso proxecto corría á marxe das institucións e non era así. O rock debe ser incómodo. O rock de serie B debe ser máis incómodo.

Por todo isto, decrecemos. Eis un paso lateral que nós gostamos de ver como un paso firme adiante. O disco Violentos anos dez vai saír en calquera caso. Mais sen intermediarias. Nós imos ser as produtoras e tamén as distribuidoras. Pensamos estar detrás de cada maldito proceso da creación do disco. Seguramente non volveredes encontrarnos no Corte Inglés. A alguén lle importa?

Será o noso disco máis emancipador. Si, tamén no contido. Pero sobretodo no que realmente importa, que é o suxo aspecto económico. Non diremos cousas escatolóxicas sobre o país nin nos evadiremos del para non o ver diante. Serán menos cancións pero tocarémolas máis (e mellor) en directo. Collerédesnos en renuncios, pero será noutros. Meteremos a zoca, pero non aquí. Seremos máis felices. Seredes máis felices.

Comezan os anos dez e todo apunta a que serán violentos. Nós encaramos a década cun optimismo inusitado. Que esta linguaxe solemne non vos faga pensar noutra cousa. Cando Ataque Escampe desapareza, farao seguramente en silencio. Nós sacamos un comunicado para continuar.

A nosa música é vosa. A nosa música sodes vós.

http://www.youtube.com/watch?v=qjetz4xJZ9o

AnivErsarios (e V, again)

2011-01-27T18:21:00.006+01:00

Bueno. Como andamos folgando (un día máis), atendemos a petición da antiga ministra de transporte e eliminamos a entrada coa súa foto de militancia fascista. Incorporamos estoutra máis agradábel e que acredita que, sorprendentemente, si tivo infancia. Pero ministra Vidal: a impuntualidade pódese curar, non ten por que ser crónica!

Aproveitamos para anunciar que xa temos tres fotos seleccionadas das que saírá a futura portada.

Eis o que ben podería figurar como pé de foto, e que constaba no seu (patético) correo de desculpa: "Foi tomada no ano 85 no mesmísimo Furacán que despois tanto frecuentei (daquela tiña outro nome, Glin-gló ou algo así). Fun coa miña tía a unha festa de entroido para picariños, pero quén me ía dicir que logo voltaría a ese lugar co aguillón máis longo".

"Para che falar de amor", na banda sonora de Tourettes

2011-01-18T16:55:00.002+01:00

Prometémolo: aínda que soe raro non temos moza ningunha na Escola de Produción Audiovisual de Ourense.

AE repite na grande pantalla, nesta ocasión formando parte da banda sonora de Tourettes coa nosa versión de "Para che falar de amor" de Andrés Dobarro.

A curtametraxe Tourettes está dirixida por Martín Fiallega e protagonizada, entroutros, por Marcos Correa e Isabel Risco. Estréase este venres 21 de xaneiro en Ourense.

AE gravará o novo disco con Arturo Vaquero

2011-01-11T14:49:00.004+01:00

Xa case rematamos a maqueta previa de 9 temas (na imaxe, a ministra de economía a ultimar as mesturas no seu estudo caseiro de serie c). Só falta un que nos está a dar problemas cos arranxos, con probaturas rockdepapá, rocksteady, calypso e mesmo reggae. Se finalmente lle faltase cafeína quedaría fóra e vía. Así e todo aínda faremos outra gravación de todos os temas antes da definitiva.

Hai uns meses reconciliámonos cos antigos membros do extinto grupo Paul á sombra, e preguntámoslles onde fora que gravaran a canción "O noso contrato coa Virgin" (que era nosa e que roubaron sen o máis mímimo pudor). Gostamos moito de como lles quedou, esa é a verdade.

En marzo gravaremos o disco onde nos dixeron: en Abrigueiro Estudios, con Arturo Vaquero.

AnivErsarios (IV)

2010-12-26T12:15:00.005+01:00

27 anos atrás, e co peto cheo.

Só resta unha ministra, e cinco diíñas de nada para pecharmos o prazo. A túa imaxe pode comezar a escribir a historia do rock & soul nacional.

Obrigadas a quen enviastes nos últimos días, e sorte!!

AnivErsarios (III)

2010-12-20T16:17:00.003+01:00

Sosito, carallo...
Ata o 31 podedes enviar a imaxe para o primeiro disco de AE con batería de verdade.

AnivErsarios (II), e rectificamos

2010-12-16T18:07:00.004+01:00

Reeditamos a entrada antiga posto que por un lamentábel malentendido, no canto de pór a foto da ministra en cuestión, puxemos a dun familiar.

Nos próximos días, máis señorías en apuros.

Que fas ti que aínda non enviaches a túa foto ao I PREMIO GALEGO DE FOTOGRAFÍA DE SERIE B?

AnivErsarios (I)

2010-12-15T19:02:00.005+01:00

Hoxe en día sairías á rúa co torso ao descuberto antes que cun xersei azul... Picariño!

As ministras vimos de decidir que temos que predicar co exemplo para animar á participación no I PREMIO GALEGO DE FOTOGRAFÍA DE SERIE B. Aínda que nos congratulamos polo número de fotos recibidas (máis que razoable para esta altura) somos ambiciosas e procuramos un corpus amplo que nos faga romper un chisco a cabeza coa decisión final. Por iso, e fóra de concurso, estreamos con esta instantánea a serie de posts "AnivErsarios", coa que nos vindeiros días iremos achegando unha imaxe de cada membro de AE nos cumpreanos dos terríbeis oitenta.

Obrigadas a toda a xente que xa enviou fotos.

E quen non enviastes aínda: estades a tempo de ser a imaxe do primeiro disco de rock & soul galego.

Achéganos a portada do novo disco!!

2010-11-30T13:10:00.003+01:00

As Ataque Escampe volvemos solicitar a colaboración das nosas amigas, seareiras e simples ouvintes, nesta ocasión co gallo de procurarmos a mellor capa para o noso próximo disco en edición física (cuxo nome non imos publicar por agora). Como somos así de orixinais, queremos que a portada consista no seguinte: unha fotografía dunha nena ou neno de entre, digamos, 1 e 10 anos, celebrando o seu aniversario (diante da torta de aniversario, soprando as velas, etc.) rodeado, de ser posíbel, de persoas adultas felices e encantadas da vida.

Como nós non temos descendencia e eramos insultantemente feas de pequenas (até aproximadamente os 25 anos), non dispomos dunha fotografía así. Pero cónstanos que case todo o mundo atesoura este tipo de documentos. Por iso procedemos a convocar o I PREMIO GALEGO DE FOTOGRAFÍA DE SERIE B. Se aspirades a esa doce sensación de fama infantil da que nunca gozastes de pequenas, dámosvos a oportunidade de volver atrás no tempo e convertervos retroactivamente nas nenas que todas as galegas de ben quererían para si. O premio rexerase polas seguintes bases:

1ª As persoas que desexen participar poderán enviar fotografías escaneadas dos seus aniversarios entre as idades antes citadas (de 1 a 10) ao enderezo ataqueescampe@gmail.com antes do 31 de decembro de 2010.

2ª Admitiranse fotografías de todas as persoas que desexen participar, independentemente do seu sexo e a súa adscrición étnica. Porén, é imprescindíbel que as fotografías sexan auténticas e non tiradas de internet (pensade que as crianzas que aparezan non poden seguir sendo menores de idade no momento do peche do prazo, porque cumpriría o permiso das nais e sería un cristo). Tamén se valorará positivamente a alta resolución dos arquivos que enviedes.

3ª Cada participante poderá enviar cantas fotos desexe. Poderá igualmente indicar se, no caso de a súa foto resultar escollida, desexa ou non que o seu nome se dea a coñecer na internet e nos créditos no disco. A nós, evidentemente, dános igual.

4ª A propietaria ou protagonista da foto seleccionada será agasallada, para alén da mencionada fama, coa discografía completa de Ataque Escampe, incluídas tres copias do novo disco para repartir entre as amigas, así como dúas chapas de Galicia es una mierda e unha camisola d'A grande evasión (a escoller de entre as tallas e cores dispoñíbeis).

5ª O ditame corresponde aos membros do grupo, que poderán solicitar o asesoramento de persoas profesionais na materia. Pode, madia leva, ficar deserto, pero esperamos que iso non pase.

Agardamos polas vosas achegas... e moita sorte!!

Soul e sombra

2010-11-23T13:35:00.007+01:00

Ben. As cousas levan o seu tempo.

En nada comezaremos a gravar no noso estudo caseiro unha maqueta previa ao maxi que proxectamos para 2011. Será de 8 temas e haberá que probar arranxos e sonoridades, ademais de facer algún descarte, mais a espiña dorsal vai ser soul si ou si.

Entre os cortes que van estar seguro na gravación definitiva por xa avanzados e por gostarmos moito deles figuran "Once upon a time the Terra Cha", "Esparadrapo" ou o tema xa frecuente nos últimos directos "Segunda división".

Apunta a ministra de promoción que vai documentar o proceso de xestación nun vídeo.

Vai a recomendación de hoxe en cálida homenaxe ao companheiro Vítor de Sada, que estes días está de noraboa e que hai anos chegou ao Mesón do Pulpo de Vista Alegre acompañado de dous cans e dun león.

E sobre todo parabéns a Cris, claro!! : )

Actuación e entrevista en "Música ambiente" de V Televisión

2010-11-05T16:17:00.005+01:00

As Ataque Escampe saímos onte no programa "Música ambiente" de V Televisión, canda Holywater. Interpretamos "Galicia es una mierda" e "Estrela errante" e somos entrevistadas por Xurxo Souto. O asunto comeza no minuto 8 do seguinte vídeo.

Do bolo que non foi e do que vai ser

2010-11-02T11:57:00.018+01:00

Antes de nada, parabéns de toda a equipa ministerial de AE ao grupo A minha embala polo premio Musicando Carvalho Calero.

Fagamos un exercicio de arqueoloxía musical. A finais de 2007 acordamos con O Leo i Arremecághona!!! e máis Novedades Carminha un concerto de presentación conxunto dos respectivos discos para 2008, na Sala Nasa. Ese bolo a tres bandas nunca chegou a realizarse, mais si as gravacións do tema promocional "Menea o bullarengue" e o seu correspondente vídeo no Malas Pécoras de Compostela, remedos do "Menea el bullarengue" de Siniestro Total.

Recuperamos case tres anos despois os animaliños en cuestión para anunciar que os tres grupos volverán compartir escenario este sábado no famoso concerto de Teo. Vai ter outra oportunidade a segunda voz do grupo para se reivindicar.

Recta final de Musicando Carvalho Calero

2010-10-16T12:43:00.007+02:00

Últimos días para votar os temas de Musicando Carvalho Calero. Xa sabedes que non é o noso estilo andar a chorar, nin dar pena. Mais si, toda axuda é pouca para seguir facendo cousas no mundo da música independente.

Hai quen tivo máis sorte (ou traballou máis...)

E por fin... a batera!!

2010-10-07T12:53:00.002+02:00

Xa a encargamos. Está en Alemaña, pero por todo o que tardamos en dar o paso case case parece que agarda no Festíbulo, onde ensaiamos ultimamente. O que debería ser un simple trámite nun grupo normal en Ataque Escampe convértese en algo semellante a unha liberación...

É unha Pearl Rhythm Traveler (na foto, o kit básico), que como o seu propio nome indica ten como punto forte a transportabilidade. E este aspecto ten que ser valorado enormente por un grupo de rock de serie B que queira ser digno de tal consideración.

É unha grande esperanza para todas nós...

http://www.goear.com/listen/228aec6/hope-for-us-all-nick-lowe

Crítica d"A grande evasión" en Arraianos

2010-09-23T19:28:00.001+02:00

Eis a crítica aparecida no nº VIII da revista Arraianos.

A primeira vez que escoitei aos Ataque Escampe en concerto foi como se me atopase a min mesmo, con dez anos menos e bastante máis talento e formación musical da que tiña eu daquela, facendo realidade o eterno soño frustrado dun adolescente revolucionario que quería facer música caralluda para que o seu vello lle dixese algún día que todo aquilo era unha puta merda. Dende entón, esta banda arraiana, coas raizames no barrio compostelán de Vista Alegre e as pólas máis altas da árbore chegando á costa oeste dos Estados Unidos, xa leva catro discos editados.

Cada vez soan máis luminosos e felices, brothers, máis retranqueiros pero igual de artesanais có licor café matador de mosquitos. Dende Ed Wood e a invasión dos paraugas asasinos (2007) até A grande evasión (2009) chove seguido nas cabezas librepensadoras destes discípulos heterodoxos de Andrés do Barro, Peckinpah, Xil Ríos e Vidal Bolaño. Pero no medio desa chuvia infinda de ideas e de sons ben enfiados e de letras afiadas, non podemos esquecer a treboada de Galicia es una mierda (2008), con sermón incluído, o interludio erótico festivo de Galicia es una fiesta (2008), o seu premio GZ Crea e a posta en funcionamento da Plataforma A Regueifa.

No seu último disco, que é do máis destacado do ano no panorama galaicopopeiro, hai orixinalidade, videoxogos, cinema e mesmo algo de filosofía oriental: todo o que cae na rede é peixe, que pode rematar na ecléctica cocteleira de retranca vitaminada que xa é marca da casa destes regueifeiros galegos e universais. Velaquí temos unha música feita con sensibilidade e agarimo, un produto orixinal e exportable, un rock de serie B que arrecende a viño de taberna pero que baixa coa suavidade intensa da mellor augardente vella de Ludeiros.

Carlos Codias

Entrevista a Estaleiro Editora

2010-09-17T10:48:00.002+02:00

Moi recomendábel a entrevista de Dani Salgado a Estaleiro Editora en El País de hoxe. Invita a unha reflexión lúcida sobre a cultura libre.

Ata que escampe, Marco

2010-09-15T11:39:00.003+02:00

Houbo unha demisión na equipa ministerial.

Obrigadas polas ideas e os servizos prestados, amigo.

5º aniversario d'A Arrincadeira

2010-09-08T21:03:00.005+02:00

Este sábado temos palestra musical e bolo en Ribadavia, na Praza de San Xoán. Será con motivo do 5º aniversario d'A Arrincadeira. Nos concertos da medianoite coincidimos outra volta cos nosos primos os Labregos.

Imos pondo a directa na confección do disco novo, gravando cousas e pasándonolas. Case seguro que vai ser un maxi, e é probábel que non haxa flamenco.

Desde o céu com amor

2010-08-20T16:59:00.014+02:00

O noso facebook xa superou @s 500 seareir@s. É logo unha boa ocasión para vos presentar un novo tema, co que participamos ademais no concurso Musicando Carvalho Calero organizado por AGAL e Komunikando. Titúlase "Desde o céu com amor" e gravámolo con Marcos Payno non hai moito. Pretende ser unha especie de testamento apócrifo de Carvalho.

Obrigadas ao público dos concertos da pasada finde por todo o alento, e a Alba Viñas, Émerson Díaz e Francisco Dans por estas fotos que nos fan sentir como un grupo de verdade.

Deixámosvos coa proba inequívoca de que a ministra Vidal está posuída por Paco Lodeiro.

Ataque Escampe from Festival dos Abrazos on Vimeo.

Abrázanos!

2010-08-10T13:58:00.005+02:00

A axenda das Ataque Escampe para esta finde reborda cariño fraternal e transformador.

Sábado 14 tocamos en formato reducido no I Festival da cultura proletaria. Será na Carballeira de Santo Amaro en Aldán (Cangas) a partir das 19:30.

Domingo 15 reencontrámonos, logo de moito tempo sen a equipa ministerial ao completo, co noso público compostelán. Aforraremos os adxectivos que describen a emoción do acontecemento, limitarémonos a prometer un directo diferente e con sorpresas. O concerto é na Praza de Cervantes ás 21:30, e enmárcase na programación do Festival dos Abrazos.

Abracémonos tod@s, é a loita final...

Bolos para o verán

2010-07-19T20:20:00.012+02:00

-23 de xullo: Sargadelos Fusión en Cervo. Con Sacha na Horta, Recambios Tucho e Mallory. A partir das 22:30.

-14 de agosto: Festa da CUT en Aldán (Cangas). A partir das 21:00.

-15 de agosto: Festival dos abrazos en Compostela. Na praza de Cervantes ás 21:30.

É certo que houbo mellores veráns, até nas radiofórmulas...

http://www.goear.com/listen/5676726/visa-para-un-sueño-juan-luis-guerra

Come on, Pelegrín

2010-07-15T11:17:00.007+02:00

"No estómago dun crocodilo" é o tema escollido para formar parte do compilatorio de rock compostelán Come on, Pelegrín.

http://www.pistaoculta.com/2010/07/presentamos-come-on-pelegrin-el-recopilatorio-del-rock-compostelano/
Andamos a facer cousas.

Roi Vidal as Roi Vidal

2010-07-04T18:50:00.005+02:00

Xa está na rede a curta Zéfiro, para maior gloria do rock de serie B.

ZÉFIRO from Canle Catro on Vimeo.

Mesturasóns

2010-06-26T19:46:00.008+02:00

Andan polo noso facebook unhas fotazas do bolo de Varsovia, cortesía de Ana e de Alfonso, o batera de Ipurdi Zikinak.

Sábado 3 de xullo na Bola (Ourense) canda Galegoz, Chotokoeu, The Soul Jacket, O Leo e máis.

Karatecamétrico

2010-06-21T13:03:00.003+02:00

Probabelmente, o mellor disco feito en Europa nos últimos trescentos anos.

http://www.fluzeando.com/index.php?/fluzo---10-vinilo/

O monte é noso

2010-06-15T21:51:00.005+02:00

Na noite deste 18 de xuño, sexta feira, na parroquia de Barouta (Ames) as AE botámonos ao monte.

Memoria de Varsovia

2010-06-09T20:05:00.006+02:00

Pois si, estivemos aló. Dan conta da festa-concerto aquí.

(Actualización 27-6: e fotazas da actuación acolá.)

Ataque Escampe Singstar

2010-06-04T19:05:00.002+02:00

Sábado gravamos un mini-concerto nun hipódromo (non é coña).
Todo é posíbel na traxectoria das AE. Deixámosvos co vídeo demostración de "Europa e o ballet" para o Proxecto Galeoke.
http://www.youtube.com/watch?v=C06zP_W8nAU

Non no Bar Sovia... en Varsovia!!

2010-05-24T18:08:00.006+02:00

Logo das peores inundacións da última década chegan a Polonia as Ataque Escampe (desculpade o chiste fácil mais era case obrigado).

Sábado 29 no Pub Lorelei de Varsovia ás 20 horas polacas. Antes tocan os vascos Ipurdi Zikinak.

Como mola a austeridade do goberno Feijoo. Queixádesvos de vicio...

Didactismo

2010-05-20T14:02:00.009+02:00

Infantes e adolescentes de Brión terán a oportunidade de escoitar as arengas das Ataque Escampe. As ministras farán un alto nos seus labores matutinos para, contradicindo a mensaxe oficial e institucional, demostrar que coa lingua propia pódese acadar calquera cousa: mesmo ter un grupo sen saber tocar.

Acontecerá este venres na Carballeira de Santa Minia a partir das 12 h. Máis tarde irán xantar tod@s, en paz e harmonía, un bo churrasco de can.

http://www.goear.com/listen/370ae25/orquesta-de-perros-corcobado

Concertos polas Letras

2010-05-11T18:23:00.010+02:00

Nos directos desta finde introducimos un novo elemento sonoro, para desgusto dos puristas do rock de serie B. Mais con el recuperamos pezas que estaban gardadas desde hai tempo.

-14 de maio en Ferrol, con Ugia Pedreira e Fred Martins, Arenga, Garcia MC e Trapallada. No Cantón de Molíns a partir das 22 h.

-16 de maio en Ourense, con Guezos e Atmósfera Cero. No parking cuberto do Pavillón Paco Paz a partir das 20 h e organizado polo Club Voleibol Ourense. As Ataque Escampe a colaborar co deporte de base, en emocionada homenaxe aos nosos primeiros estímulos musicais.

Boas letras galegas...

http://www.goear.com/listen/bf83af5/historias-posibles-imposibles-naci%C3%B3n-reixa

As Ataque Escampe, no Bulletin of Hispanic Studies

2010-05-04T18:42:00.009+02:00

Eses de Som do Galpom, na puta vida (con perdón).

Such reservations have taken the shape of various forms of cultural, political and intellectual activity, ranging from a refusal to question the national paradigm (with the view that such questioning serves only to weaken the minority culture’s struggle for visibility and self-representation) to a willingness to enter into dialogue with such debate, with a view to exploring its creative and critical potential, to the whole-hearted celebration of it. The coexistence of such disparate attitudes is one of the hallmarks of contemporary Galician cultural production, where forms of literary scholarship fuelled by a naturalized relationship between geography, language and identity (see, for instance, Anxo Tarrío Varela’s article ‘Espazos culturais e literatura na Galicia contemporánea’, in Tarrío Varela 2007) occur alongside ironic or wilfully provocative forms of artistic production such as the last album of the B-rock band ‘Ataque Escampe’*2

*2. With song titles such as ‘Galicia es una mierda’ or ‘Arredor da cuestión nacional’, the album offers a wry and humorous take on Galician national identity and the current debates around it:

http://www.aregueifa.net/index.php?option=com_content&task=view&id=84
(accessed 15 September 2008).

"Critical Approaches to the Nation in Galician Studies": Helena Miguélez (Bangor University) e Kirsty Hooper (University of Liverpool), Bulletin of Hispanic Studies, vol.86, nº2 de marzo de 2009, Liverpool University Press (p. 204).

http://liverpool.metapress.com/content/b40647v3j6vk7615/fulltext.pdf (para o poder visionar é preciso facelo dende os computadores dunha universidade)

As ministras de AE ocuparán o baleiro de poder en Polonia

2010-04-29T20:18:00.011+02:00

Ben, obviamente hai que vender o produto... AE toca en Varsovia na noite do sábado 29 de maio. Obrigadas ao lectorado de Lingua Galega.

Amais adiantámosvos estas datas, e xa concretaremos nos vindeiros días.

-14 de maio. Ferrol. Fundación Artabria.
-16 de maio. Ourense. Pavillón Paco Paz.
-21 de maio. Brión. Carballeira de Santa Minia.

Non importan as distancias cando se trata da revolución permanente.

http://www.goear.com/listen/ed51102/a-million-miles-away-(live)-rory-gallagher

Mosqueira na encrucillada

2010-04-18T19:35:00.003+02:00

Posibelmente nunca vaia predicar ás portas de Citroën, mais a ministra Mosqueira si terá a oportunidade de representar a AE nas Xornadas formativas sobre Economía, Xornalismo, Lingua e Movementos Sociais na Facultade de CC. da Comunicación da USC.

Compartirá mesa redonda sobre "Propiedade intelectual e coñecemento libre" con Pedro Silva de Blogaliza e Francisco Alvarellos de Casa da Música, o 20 de abril entre as 10 e as 12 horas.

O goberno bielorruso

2010-04-12T20:00:00.010+02:00

Con emoción sincera de camaradas deixámosvos a ligazón dun novo trío musical que integra a dúas ministras de Ataque Escampe. Desexémoslles todas grandes éxitos.

Reunidos os altos cargos da executiva, tomouse a decisión de desenvolver a próxima misión no territorio galego. As expectativas son altas. Co propósito do seu cumprimento, acordouse compoñer unha canción. Non é un gasoduto pero por algo se comeza. O futuro é noso.

Minsk, primavera de 2010.

http://www.komunikando.net/cantalingua/component/content/article/1-cancions-a-concurso/44-sputnik.html

AE nos enxeños dixitais

2010-03-25T18:41:00.009+01:00

Esta ministra de novas tecnoloxías tería que establecer soldos para esas anónimas secretarias xerais que fixeron que a nosa música xa se poida escoitar en Spotify e Grooveshark e até comprar en Itunes. Mais as partidas orzamentarias dan para o transporte da titular e grazas.

Onde é que remata o futuro?

http://www.youtube.com/watch?v=dUOmk6Wjf9Y

Coas companheiras do metal

2010-03-10T13:50:00.003+01:00

Sábado 13 de marzo na Sala Farándula de Vigo a partir das 22:00, Ataque Escampe coas companheiras do metal.

"A grande evasión", entre os mellores discos de 2009 para Culturagalega.org

2010-03-08T20:04:00.005+01:00

Por boca de Pepe Cunha, a quen non temos o pracer de coñecer mais que nos debe unhas fotos, saímos mencionadas entre os mellores discos nacionais de 2009.

http://www.culturagalega.org/noticia.php?id=16039

Midnight Special

2010-03-04T12:13:00.006+01:00

Concerto de AE para @s amig@s d'A Fouce de Ouro de Bertamiráns, este sábado a partir das 21:00, na busca do pouso ideal para unha Midnight Special.

http://www.youtube.com/watch?v=DksGi7B5BdM

Nos debes una, Varela

2010-03-04T11:47:00.006+01:00

Fonte: Xornal de Galicia, xoves 25 de febreiro de 2010.

Os rapaces están ben

2010-02-25T19:20:00.008+01:00

Segundo Meteogalicia vai estar unha semana chovendo seguido, e este é o mellor tempo posíbel para nosoutras as Ataque Escampe. Prepararemos dous shows dos que xa especificaremos máis detalles: para o 6 de marzo n'A fouce de ouro de Bertamiráns e para o 13 do mesmo mes en Vigo. Tamén continuaremos a traballar por separado na elaboración de material para o próximo disco.

En definitiva, que os rapaces están ben (e iso sempre chama por outros).

Happy together

2010-02-08T22:14:00.006+01:00

Mércores 10 de febreiro AE participa da festa-concerto que organiza a asemblea comarcal compostelá de Causa Galiza. Haberá petiscos. Estades todas convidadas...

No pub Avante, o Cheers compostelá, ás 22:00. Toca tamén o amigo O Leo i Arremecághona!!!

Bua neno, Galicia es una ful

2010-01-19T20:19:00.005+01:00

Pois si, o xoves 21 pola mañá toca mani e á noite a ver se gravásemos na Coruña (Campus da Zapateira, a partir das 21:30 con Ultraqäns) ese temiña que tanto require do público na nosa mesa... Nos tempos do churrilingüismo e dos decretazos cómpre atinxir todas as variantes...

Vai daquela a recomendación de hoxe centrada nun koruño de pro que afiou o seu talento no difícil barrio de Katanga. Está a piques de editar o seu primeiro maxi a nivel estatal e faise chamar Arufe aka Nigga Please (escoiten tamén no seu myspace "Ciudades desde el cielo", paga a pena).

Zéfiro

2010-01-14T18:16:00.010+01:00

Mimá, cando nos fagan un libro xa teñen algo que pór na sección "Documentais sobre Ataque Escampe. Presenza en filmes". É coña, é coña...
Zéfiro estrearase o 22 de xaneiro no Auditorio de Ourense.

E un día antes tocamos na Coruña canda os Nao para presentar nesa cidade o compilatorio Vozes Novas. Xa concretaremos hora e lugar.

Brántega Sessions

2010-01-07T13:25:00.014+01:00

Pois tocaba unha outra vez retiro espiritual das Ataque Escampe na aldea de Brántega (na imaxe, músicos nativos da segunda república que foron o berce da actual Banda de Agolada). Vimos de pasar unhas xornadas facendo grupo, escoitando cancións de referencia, probando outros estilos e sonoridades, gravando cousas novas -un par de temas, moitos bosquexos, algunha improvisación- e pasando frío polas noites.

Porque si xente, prepararemos novo disco durante o 2010, e unha mesma vai perdendo a conta do número que fai...

E xa vos podemos adiantar algo: a capa non vai levar fondo branco.

A música... a música a saber que cores terá...

O regalo de nadal

2009-12-21T13:41:00.008+01:00

Non pregunten como, mais o caso é que hai pouco atopamos no faiado da casa este estraño vídeo protagonizado polos inefábeis personaxes d"A grande evasión". Tampouco pregunten por que acontece na praia, por que está en super 8, que relación ten o audio coa imaxe, que vencello garda con estoutro...

En fin, mellor non preguntar nada. En breve tamén o subimos ao llutú.

Feliz década, camaradas.

http://www.vimeo.com/8183775

Ataque Escampe - Europa e o ballet from mopalmact on Vimeo.

O derradeiro asalto

2009-12-15T18:37:00.005+01:00

Co concerto de Cervo (Venres 18 de decembro, Pub O muíño, 00:00) as púxiles de Ataque Escampe poñemos fin á Xira The Great Escampe 2009.

Houbo avances na nosa técnica, aínda non os suficientes, mais hóuboos. Porén seguimos a usar obxectos non regramentarios, insistimos en infravalorar o xogo de pés, por momentos damos as costas ao contrincante, chegamos desfeitas ao final... Nada que non se poida mellorar nos adestramentos (que os faremos e intensos, xa vos diremos), ou cun bo par de hostias entre nós.

Para escenificar a nosa fame de triunfos no cuadrilátero decidimos probar sorte no certame de Pressing Catch de Berrobambán co tema "Os vingativos". Ademais a semana que vén promocionarémonos entre os mánagers do boxeo cun vídeo co que meter medo a calquera rival, xa veredes...

Ben, recomendación e anuncio: en Cervo estrea da revisión de AE de "Festa malandrómica". Con admiración polo Jevi...

Os dous últimos

2009-12-01T20:42:00.003+01:00

Os dous últimos... do ano eh, aínda non lles imos dar esa alegría aos de Som do Galpom.

-6 de decembro en Compostela. A partir das 19:30 nos concertos de Causa Galiza, na alameda. Con Mini e Mero, O Leo i Arremecághona!!!, A magnifique bande dos homes sen medo e Ultraqäns.

-18 de decembro en Cervo. Ás 22:30 no Pub O Muíño.

(Vai a recomendación de hoxe en homenaxe ás nosas estupendas ministras de economía e promoción, das cales e a pesar dos pesares a de novas tecnoloxías terá unha grata lembranza cando toque facer reconto)

Arousa é o lugar onde o ballet tamén se podería ver

2009-11-25T20:21:00.007+01:00

Ben, aproveitamos este tempo de tregua -os bolos inmediatos son o 6 e o 18 de decembro en Compostela e Cervo respectivamente, e xa concretaremos- para anunciarvos que desde o ministerio de promoción se está a ultimar o videoclip de "Europa e o ballet". Xa sabedes que o gravamos na Illa de Arousa hai un tempo. Saímos nel todas as ministras, unhas (aínda) menos favorecidas ca outras. Como a cousa vai de derrubar a pouca aura que nalgún momento puidemos ter en soños, deixámosvos con este videoclip de Joe Crepúsculo. Non porque sexa a mellor canción do seu brillante último disco (que non), senón porque sae polo menos tan feo coma calquera de nosoutras.

We will meet again

2009-11-09T17:51:00.010+01:00

Alá polo principio desta década Vidal Bolaño fora, por razóns que non veñen ao caso, unha das poucas persoas que escoitara a primeira maqueta de Ataque Escampe Por non ser un avión (2002). Parecéralle unha "puta mierda" e así llo fixo saber a un dos membros do grupo, que á súa vez nolo comunicou a nós. Hoxe, a década remata e as AE tocaremos o xoves en Vigo (18:30) no auditorio do CUVI que leva o seu nome. Quen hostia o ía dicir. Volverémonos a encontrar. El desde o ceo e nós no escenario. Esperemos que esta vez sexa máis benevolente e non pase nada estraño.

(O de "puta mierda" seguro que o dicía con cariño, eh.)

Outra vez caldo (reseña d"A grande evasión" en Música ao vivo)

2009-11-05T19:38:00.005+01:00

Non queredes máis? Pois tomade outra de caldo. Esta é unha mini-recensión (ou así) que apareceu hai pouco na revista que saca AGADIC.

O rock de serie B dos Ataque Escampe dá o salto definitivo con este traballo bautizado cun aceno ao cine e outro aos Blur. A banda compostelá mantén os seus sinais de identidade (letras magníficas e torrenciais con envoltura acústica e estética sen pretensións) e enriquéceos cun grande traballo de produción por parte de Marcos Payno e Tomás Ageitos. A grande evasión é o seu mellor traballo ata o momento.

Falándomos de repeticións que fartan, institucións e demais é obrigado rematar con este tema de Hidrogenesse, que algún día acabará por facer estourar o reprodutor do carro da nosa ministra de transporte.

Non estamos todas, falta Carmiña Comosemenea...

Arrédate de min, Joe (crítica d"A grande evasión" en Mondosonoro)

2009-10-29T18:27:00.006+01:00

Reivindicar la labor de John Sturges, Lee Marvin o Don Siegel, sin duda no es algo habitual, menos aún dentro de la escena musical gallega. Ataque Escampe emprenden un viaje sin retorno hacia la salvaje tradición norteamericana, añadiendo una infalible retranca gallega y encontrando nuevas posibilidades para pulir una propuesta personal por la vía de los itinerarios marcados por John Ford o Sam Peckinpah. Posmodernismo con múltiples referencias a las piezas de choque de un género cinematográfico (y literario) finiquitado hace décadas, pero que se resiste a desaparecer gracias a su profunda influencia en distintas generaciones. Pop gallego en clave western. C.B.

Quinta feira 12 de novembro tocamos ás 18:30 no teatro da Universidade de Vigo... Ahí es ná, Rafa.

E si, gostamos das vaqueradas, que pasa.

Gostamos por exemplo deste tema e sobre todo desta escena que lle serviu a Nacho Vegas (mandarémolo tamén ao paredón?) para dicir en "La pena o la nada":

Y te vi llorar
Un río a cada lado de tu rostro sin desmaquillar
Como la propia Katy Jurado
Con las nubes negras detrás

Crítica de "Galicia es una mierda" en Mondosonoro

2009-10-24T20:56:00.005+02:00

A ministra de material e cachibaches de AE vén de atopar nalgún escuro recanto da súa casa unha crítica do "Galicia es una mierda" que xa deramos por perdida. Publicouse na Mondosonoro o ano pasado, en qué mes non recordamos e tampouco importa.

A puntuación que nos dá (3 estrelas e media sobre 5) é a mesma que lles concederon hai pouco aos Novedades Carminha, moito máis novos e guapos ca nós.

El humor negrísimo y la retranca galaico-portuguesa les sirven a los de Vista Alegre como revulsivo a la hora de enfrentar este trabajo que provoca sentimientos encontrados desde un primer momento. No dejan títere con cabeza, alusiones a personajes y caracteres tanto gallegos como universales en las que esgrimen reflexiones kamikazes acompañan una música, no olvidemos lo realmente importante, que tanto se asienta en el folk de raíz anglosajona como en las canciones nacidas para cantar en las tascas marineras (SIC): "Quero ser o malo da película" o "Vista Alegre". La grabación cuenta con un par de himnos pedestres tan sencillos como heterodoxos, "A granxa de Alexandre" y "A banda desdenhada". Un paso adelante para una banda que parece haber cuidado al máximo la producción (SIC) introduciendo todo tipo de instrumentos que hace que su propuesta sea aún más alborotadora.

Aai os tempos nos que iamos de malotes. Tamén Alvin Lee é agora vello, aínda que non o creades. Vai a montaxe espectacular do "I'm going home" de Woodstock.